23.09.2024 | 17:16
Լիբանանի իշխանությունները հայտնել են Իսրայելի հարվածների հետևանքով 100 զոհի և 400 վիրավորի մասին
Հերցոգը հերքել է Իսրայելի մասնակցությունը Լիբանանում փեյջերների պայթեցմանը
Քաղաքականություն
23.09.2024 | 13:32
Իսրայելի նախագահ Իցհակ Հերցոգը հայտարարել է, որ իր երկիրը ներգրավված չէ Լիբանանում փեյջերների և կապի այլ սարքերի պայթեցման գործողությանը: Ավելի վաղ լիբանանյան «Հըզբոլլահ» զինված խմբավորումն Իսրայելին մեղադրել էր փեյջերների և ռացիաների պայթեցման մեջ: Համաշխարհային բազմաթիվ լրատվամիջոցներ էլ գրել են, թե ինչպես են Իսրայելի հետախուզական ծառայությունները պատրաստել այս գործողությունը։
«Ես միանգամից հերքում եմ որևէ մասնակցությունը այս կամ այն գործողությանը»,- ասել է Հերցոգը Sky News-ին։
Նա ասել է, թե Իսրայելը չի ցանկանում պատերազմել Լիբանանի հետ։
«Սակայն Լիբանանը պատանդ է դարձել ահաբեկչական կազմակերպությանը և, համապատասխանաբար, «Հըզբոլլահ»-ի քաղաքական կուսակցությանը։ «Հըզբոլլահ»-ը շատ թշնամիներ ունի, այն խեղդում ու քանդում է Լիբանանը, կրկին քաոս ստեղծում»,- հավելել է Հերցոգը:
Անցյալ շաբաթ Լիբանանում փեյջերների և կապի այլ միջոցների զանգվածային պայթյուններ գրանցվեցին, որոնք «Հըզբոլլահ»-ի անդամներն օգտագործում էին օպերատիվ հաղորդակցության համար: Զոհվեց մի քանի տասնյակ մարդ, շուրջ երեք հազարը՝ վիրավորվեց։
«Հըզբոլլահ»-ը կատարվածի համար Իսրայելին մեղադրեց։
Թարգմանությունը՝ Տաթև Ֆռանգյանի
