30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՌԴ բանակը հարվածել է Զապորոժիեին. վիրավորվել է 16 մարդ, այդ թվում՝ երեխա
Քաղաքականություն
23.09.2024 | 13:04
Սեպտեմբերի 23-ի գիշերը ռուսական կողմը հարվածներ է հասցրել ուկրաինական Զապորոժիեին։ Տեղի իշխանությունների նախնական տվյալներով՝ տուժել է 16 մարդ, այդ թվում՝ երեխա, գրում է Current Time-ը։
Զապորոժիեի շրջանային ռազմական վարչակազմի ղեկավար Իվան Ֆյոդորովը գրել է քաղաքում ավերածությունների ու հրդեհների մասին։ Նրա տեղեկացմամբ՝ տուժածներին օգնություն է ցուցաբերվում։
«Մասնակի ավերվել են շենքեր։ Պայթյունի ալիքից և բեկորներից վնասվել են մոտակա տները։ Հրդեհ է բռնկվել։ Տեղում աշխատում են փրկարարները»,- հավելել է նա։
Ավելի վաղ Արտակարգ իրավիճակների պետական ծառայությունը հայտնել էր 9 վիրավորի մասին, այդ թվում՝ մեկ երեխայի։ Փրկարարները տարհանել են վնասված բազմաբնակարան շենքերի բնակիչներին, մեկ կնոջ դուրս են բերել իր բնակարանում արգելափակումից։
Թարգմանությունը՝ Տաթև Ֆռանգյանի
