11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Մակրոնը մերժել է նոր վարչապետի առաջարկած կառավարության կազմը
Քաղաքականություն
19.09.2024 | 18:50
Ֆրանսիայի նախագահ Էմանուել Մակրոնը մերժել է վերջերս նշանակված վարչապետ Միշել Բարնիեի առաջարկած նախարարների թեկնածուների ցուցակը, որոնց կցանկանար տեսնել իր կաբինետում, գրում է Le Monde-ը՝ հղում անելով իր աղբյուրներին։
«Վերջին օրերին կառավարության կազմը զգալիորեն վատթարացրել է հարաբերությունները պետության ղեկավարի և վարչապետի միջև, երեքշաբթի՝ սեպտեմբերի 17-ին Միշել Բարնիեն առաջին տարբերակն է ներկայացրել։ Պոտենցիալ նախարարների առաջին ցուցակը մերժվել է պետության ղեկավարի կողմից»,- գրում է թերթը։
Ելիսեյան պալատում համարել են, որ թեկնածուների ցուցակը «միագույն» է, հատկապես ուշադրություն են դարձրել այն բանին, որ նախարարական պաշտոնների մեկ երրորդի համար առաջարկվող թեկնածուները հենց իր՝ Բարնիեի Հանրապետական կուսակցության ներկայացուցիչներ էին։ Ընդ որում, ըստ հրապարակման, Բարնիեն իր կուսակիցներին է առաջարկել նշանակել ներքին գործերի նախարարի, արդարադատության և էկոնոմիկայի նախարարների կարևոր պաշտոններում։
Միևնույն ժամանակ, Ելիսեյան պալատը պնդում է, որ պետության ղեկավարը կառավարության կազմի հարցը թողնում է վարչապետի հայեցողությանը, սակայն նպատակ է դրել «հնարավորինս մոտենալ ազգային միասնությանը և պահպանել հավասարակշռությունը քաղաքական ուժերի միջև։
Ըստ Մակրոնին մոտ կանգնած աղբյուրի՝ նախագահը պարլիզացված է վարչապետի հրաժարականի մտքից՝ անվստահության քվեի պատճառով, ինչը կհանգեցնի նրա սեփական «անկմանը»։ Այդ պատճառով նա ցանկանում է կառավարություն ունենալ՝ հիմնված կոնսենսուսի վրա։
Սեպտեմբերի 5-ին Ֆրանսիայի նախագահը վարչապետի պաշտոնում նշանակել է 73-ամյա Միշել Բարնիեին։ Նոր վարչապետի նշանակումը տեղի է ունեցել Ֆրանսիայում խորհրդարանական ընտրություններից գրեթե երեք ամիս անց։ Ընտրությունների արդյունքներով ոչ մի կուսակցություն չէր ստացել բացարձակ մեծամասնություն։
Թարգմանությունը՝ Տաթև Ֆռանգյանի
