30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Եթե Թուրքիան անդամակցեր ԵՄ-ին, ապա ԲՐԻԿՍ-ի այլընտրանքը չէր փնտրի․ Թուրքիայի ԱԳ նախարար
Քաղաքականություն
19.09.2024 | 23:16
Թուրքիայի ԱԳ նախարար Հաքան Ֆիդանը «Անադոլու» գործակալության կլոր սեղանի ժամանակ մեկնաբանել է Եվրամիության և ԲՐԻԿՍ-ի հետ Թուրքիայի հարաբերությունների թեման։
«Եթե Թուրքիայի տնտեսական ինտեգրումը ԵՄ-ին հասներ անդամակցության, ապա Անկարան, միգուցե, ԲՐԻԿՍ-ի այլընտրանքը չփնտրեր»,- ասել է Ֆիդանը։
Նա հավելել է, որ մինչ այժմ ԵՄ երկրները Թուրքիայի նկատմամբ իրենց պահում են այնպես, կարծես իշխանության ղեկին են ուլտրաաջերը։
«Հետևաբար, մեզ համար ոչինչ չի փոխվի, եթե նրանք իսկապես գան իշխանության»,- հայտարարել է Ֆիդանը։
Թուրք պաշտոնյայի խոսքով՝ վերջին տարիներին ԵՄ մի շարք երկրների սուբյեկտիվ մոտեցումներն ու ջանքերը, որոնք ուղղված են սեփական խնդիրները Եվրամիության կենտրոնական խնդիրներ դարձնելուն, որոշակիորեն «հետ են մղել» Բրյուսելի օրակարգը Թուրքիայի հետ հարաբերություններում։ Նա ստեղծված իրավիճակը շտկելու քայլերի անհրաժեշտության մասին է խոսել, այն է՝ ամրապնդել առկա համագործակցությունը, հատկապես՝ տնտեսական, վիզաների ազատականացման, կրթության և մշակույթի ոլորտներում։
«Իմ դիտարկումներով՝ հատկապես վերջին 3-4 տարիներին, Ռուսաստանի և Ուկրաինայի միջև պատերազմի, Մերձավոր Արևելքում Գազայի պատերազմի և այլ խնդիրների ֆոնին, մենք ականատես ենք լինում, որ ԵՄ-ն հասել է «աշխարհառազմավարական զգոնության» մակարդակի իր դաշինքի հետ կապված»,- հայտարարել է Թուրքիայի ԱԳ նախարարը։
Թարգմանությունը՝ Էմմա Չոբանյանի
