07.10.2026 | 23:48
Արթուր Դանիելյանը կալանավորվեց
Դանուբը դուրս է եկել ափերից և հեղեղել Հունգարիայի մայրաքաղաքի կենտրոնը․ ՏԵՍԱՆՅՈՒԹ
Քաղաքականություն
19.09.2024 | 17:51
Մի քանի օր շարունակվող հորդառատ անձրևների հետևանքով Կենտրոնական Եվրոպայում ջրհեղեղներ են սկսվել։ Հունգարիայի մայրաքաղաք Բուդապեշտում Դանուբը դուրս է եկել ափերից և հեղեղել քաղաքի կենտրոնը։ Ջուրը մոտեցել է երկրի խորհրդարանի շենքին։ Վարչապետ Վիկտոր Օրբանը հայտնել է, որ ջրհեղեղի գագաթնակետը սպասվում է շաբաթ օրը, հայտնում է Index-ը։
Շաբաթվա սկզբից Պեշտից քաղաքի ստորին առափնյա շրջաններում երթևեկությունը դադարեցվել է։ Հինգշաբթի ջուրն արդեն մոտ մեկ մետր բարձր է եղել ափամերձ թմբերի մակարդակից։
Բուդապեշտում աստիճանաբար երթևեկության սահմանափակումներ են մտցվում ջրի մակարդակի բարձրացման պատճառով։
Ճանապարհները մասամբ փակ են, նավարկությունը դադարեցվել է։ Էներգետիկ MVM Group ընկերությունը զգուշացրել է էլեկտրաէներգիայի և գազի մատակարարման հնարավոր ընդհատումների մասին։ Բուդապեշտի քաղաքապետ Գերգելի Կարաչսոնիի հրամանով քաղաքում ամրություններ են կառուցվում։
«Բորիս» փոթորիկը հորդառատ անձրևներ է բերել տարածաշրջան։ Այն առնվազն վեց մարդու մահվան պատճառ է դարձել։ Հազարավոր եվրոպացիներ ստիպված են լքել իրենց տները։ Ավստրիայում, Չեխիայում, Հունգարիայում, Ռումինիայում և Սլովակիայում շարունակում է անձրև տեղալ։
