15.03.2026 | 14:38
Դոնալդ Թրամփը Եվրոպային կոչ է արել ռազմական նավեր ուղարկել Հորմուզի նեղուց
Ադրբեջանի ԳՇ պետը պաշտոնական այցով Իտալիայում է
Քաղաքականություն
19.09.2024 | 14:31
Ադրբեջանի պաշտպանության նախարարի առաջին տեղակալ, գլխավոր շտաբի պետ, գեներալ-գնդապետ Քերիմ Վելիևի գլխավորած պատվիրակությունը պաշտոնական այցով Իտալիայում է։ Ադրբեջանական լրատվամիջոցների փոխանցմամբ՝ այցի ընթացքում Վելիևը մի շարք հանդիպումներ է ունենալու Իտալիայի ռազմական ղեկավարության հետ, այցելելու է պաշտպանական արդյունաբերության ձեռնարկություն։
Սեպտեմբերի սկզբին Ադրբեջանի պաշտպանության նախարար Զաքիր Հասանովը Բաքվում Իտալիայի դեսպան Լուկա դի Ջանֆրանչեսկոյին ընդունելիս ասել էր, որ երկու երկրների հարաբերությունները ռազմական ոլորտում, ինչպես նաև այլ ոլորտներում, առանձնահատուկ բնույթ են կրում և նպաստելու են երկու երկրների զինված ուժերի զարգացմանը։ Նշվել է, որ 2024-2025 թվականների համար Ադրբեջանի և Իտալիայի միջև ռազմական ոլորտում նախատեսված 31 միջոցառումներից մի քանիսն արդեն իրականացվել են։
Վերջին տարիներին Բաքվի և Հռոմի ռազմական համագործակցությունն ակտիվանում է։ Այս տարի հունիսին Իտալիայի ՊՆ ղեկավարի մասնակցությամբ Բաքվում Ադրբեջանի նախագահ Իլհամ Ալիևին էր ներկայացվել իտալական Leonardo ընկերության արտադրած C-27J Spartan ռազմատրանսպորտային ինքնաթիռը, որը ձեռք է բերել ադրբեջանական կողմը։
Թարգմանությունը՝ Էմմա Չոբանյանի
