04.11.2026 | 10:26
Դեմոկրատները հաղթում են Ներկայացուցիչների պալատի և Սենատի ընտրություններում՝ վերահսկողություն ստանալով ԱՄՆ Կոնգրեսում
Ադրբեջանը 2025թ. բյուջեում 7%-ով կրճատում է պաշտպանության ու անվտանգության ծախսերը
Քաղաքականություն
18.09.2024 | 18:32
Ադրբեջանը զգալիորեն կրճատելու է պաշտպանության և անվտանգության ծախսերը՝ գրեթե 7%-ով։ Ադրբեջանի 2025 թվականի պետական բյուջեի նախագծում այդ կարիքների համար նախատեսվում է հատկացնել 6 մլրդ 658,3 մլն մանաթ (ներկա փոխարժեքով՝ 3,9 մլրդ դոլար) կամ բոլոր ծախսերի 16,8 տոկոսը։ Այս մասին ասվում է երկրի Ֆինանսների նախարարության հայտարարության մեջ։
Տեղական լրատվամիջոցների հաղորդմամբ՝ 2024 թվականի բյուջեում այս ոլորտում ծախսերը նախատեսված են 7 միլիարդ 126,3 միլիոն մանաթի (մոտ 4,2 միլիարդ դոլար) կամ բյուջեի բոլոր ծախսերի 17,9 տոկոսի չափով։
2023-ին պաշտպանության և ազգային անվտանգության համար բյուջեի փաստացի ծախսերը կազմել են 5 միլիարդ 854,8 միլիոն մանաթ (մոտ 3,45 միլիարդ դոլար) կամ պետական բյուջեի բոլոր ծախսերի 16,1 տոկոսը։
Ընդհանուր առմամբ, 2025 թվականին Ադրբեջանի պետական բյուջեի եկամուտները կանխատեսվում են 36 միլիարդ 616 միլիոն մանաթ, իսկ ծախսերը՝ 39 միլիարդ 667,6 միլիոն մանաթ: 2025-ի համար ադրբեջանական նավթի բյուջետային գինը կազմելու է 70 դոլար։ Պետբյուջեում այդ տարվա համար նավթի գինը սահմանված է 75 դոլարի սահմաններում։
Թարգմանությունը՝ Էմմա Չոբանյանի
