07.10.2026 | 19:34
«Բրա՛վո»․ Նիկոլ Փաշինյանն ընդդիմադիրների հետ ծափահարեց իր մոտալուտ հրաժարականի մասին դիտարկմանը. ՏԵՍԱՆՅՈՒԹ
ԵՄ-ն կարող է Կիևին մինչև 40 միլիարդ եվրո վարկ տրամադրել․ FT
Քաղաքականություն
17.09.2024 | 13:43
ԵՄ-ն պատրաստվում է մինչև տարեվերջ Ուկրաինային մինչև 40 միլիարդ եվրոյի նոր վարկեր տրամադրել՝ անկախ ԱՄՆ-ի մասնակցությունից։ Այս մասին հայտնում է բրիտանական The Financial Times (FT) պարբերականը։
Վերջնական գումարը կարող է տատանվել 20-ից մինչև 40 միլիարդ եվրոյի սահմաններում, որը կորոշի Եվրահանձնաժողովը անդամ երկրների հետ խորհրդակցություններից հետո, նշել են պարբերականի աղբյուրները։
Այս պլանի վերաբերյալ որոշում կայացնելու համար ԵՄ երկրների մեծամասնության աջակցությունը պարտադիր չէ։ Այսպիսով, ըստ պարբերականի, չեզոքացվում է այն սպառնալիքը, որ Հունգարիան, որը համակրում է Մոսկվային, կարող է վետո դնել նախագծի վրա: Տվյալ դեպքում խոսքը պլան «Բ»-ի մասին է՝ պլան «Ա»-ին այլընտրանք, որն առաջարկվել էր հունիսին Մեծ յոթնյակի խմբի կողմից (G7):
Պլան «Ա»-ն ենթադրում է, որ Կիևին կտրամադրվի 50 միլիարդ դոլարի (45 միլիարդ եվրո) վարկ, որը կմարվի՝ օգտագործելով մոտ 260 միլիարդ եվրոյի չափով ռուսական սառեցված պետական ակտիվներից ստացվող առաջիկա եկամուտները: Դրանց մեծ մասը պահվում է Euroclear բելգիական ֆինանսական ծառայություններ մատուցող ընկերությունում, որը մասնագիտացած է արժեթղթերով գործարքների կարգավորման մեջ:
Պլան «Բ»-ի շրջանակում Բրյուսելը դիտարկում է եվրոպական համայնքի փոխառությունների ծավալները մեծացնելու և ԵՄ-ի ընդհանուր բյուջեից միջոցներ ներգրավելու հարցը։
Միևնույն ժամանակ, Բրյուսելի պաշտոնյաները դեռևս հույս ունեն, որ Վաշինգտոնը, ի վերջո, կփոխհատուցի ծախսերը, թեև ավելի հեռավոր ապագայում՝ դրանով իսկ նվազեցնելով ԵՄ-ի ռիսկերը, նշում է FT-ն։
