30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Թեհրանը պատրաստ է վերսկսել իրանական միջուկային ծրագրի շուրջ բանակցությունները՝ համապատասխան պայմանների ստեղծման դեպքում
Քաղաքականություն
16.09.2024 | 18:33
Իրանի արտաքին գործերի նախարար Աբբաս Արաղչին հայտարարել է, որ համապատասխան պայմանների ստեղծման դեպքում կարող են վերսկսվել իրանական միջուկային ծրագրի շուրջ Գործողությունների համատեղ համապարփակ ծրագրի (JCPOA) շուրջ բանակցությունները, հայտնում է Tasnim գործակալությունը։
«Անհրաժեշտ է պատշաճ հիմք ստեղծել բանակցությունների վերսկսման համար, այնուհետև մենք կմտնենք բանակցությունների մեջ, որոնք հիմնված կլինեն նույն բանաձևի վրա, որը կիրառվել է JCPOA-ում: JCPOA-ն հիմնված էր այն տրամաբանության վրա, որ Իրանը վստահություն կստեղծի իր խաղաղ միջուկային ծրագրի նկատմամբ, իսկ մյուս կողմը կվերացնի պատժամիջոցները: Մենք կարող ենք վերադառնալ այդ բանաձևին»,- ասել է նախարարը պետական հեռուստատեսությամբ։
Նա հավելել է, որ «այս ամենը կախված է նրանից՝ արդյո՞ք մենք փոխըմբռնման կհասնենք եվրոպացիների և JCPOA-ի մնացած մասնակիցների հետ, որպեսզի կարողանանք հավասար դիրքերից վերսկսել բանակցությունները»։
Արաղչին նշել է, որ, իր կարծիքով, ԱՄՆ-ը «հիմա պատրաստ չէ բանակցել», քանի որ քիչ ժամանակ է մնացել մինչև նախագահական ընտրությունները։
«Եթե անհրաժեշտ լինի, մենք կսկսենք շփումները եվրոպացիների հետ և չենք սպասի Ամերիկային»,- ասել է իրանցի պաշտոնյան։
