22.11.2024 | 20:16
Ֆրանսիայի արտաքին գործերի նախարարությունն ի գիտություն է ընդունել Նեթանյահուի նկատմամբ ՄՔԴ-ի կալանավորման օրդերը
Քննիչները պարզում են՝ արդյո՞ք Թրամփի դեմ նոր մահափորձը կապված է Ուկրաինայի հետ. ABC
Քաղաքականություն
16.09.2024 | 13:01
Իրավապահ մարմինները կստուգեն՝ արդյո՞ք ԱՄՆ նախագահի թեկնածու Դոնալդ Թրամփի դիրքորոշումն ուկրաինական հակամարտության վերաբերյալ կարող էր դառնալ նրա դեմ երկրորդ մահափորձի պատճառ։ Այս մասին հաղորդում է ABC-ն՝ հղում անելով իր աղբյուրներին։
Նրանց խոսքով՝ քննիչները կուսումնասիրեն, թե արդյո՞ք սպանության մեջ կասկածվող Ռայան Ուեսլի Ռութը կարող էր «հիասթափվել» այս հարցում Թրամփի դիրքորոշումից: Բացի այդ, ՀԴԲ-ն ուսումնասիրում է ենթադրյալ հանցագործի անցյալը, ներառյալ՝ նրա սոցցանցի էջերը, ճանապարհորդության պատմությունը և դատվածությունը:
Հանրապետական թեկնածուի դեմ առաջին մահափորձը տեղի էր ունեցել հուլիսին Փենսիլվանիայում, նախընտրական հանրահավաքի ժամանակ։ Այն ժամանակ հրազենից արձակված կրակոցի հետևանքով, վնասվել էր Թրամփի ականջը։
Երկրորդ մահափորձն իրականացվել է երեկ՝ սեպտեմբերի 15-ին, Ֆլորիդայում, նրա գոլֆի ակումբում։ Տղամարդը հրացանի փողն անցկացրել է ցանկապատի միջով, հրացանը նկատած գաղտնի ծառայության աշխատակիցները կրակ են բացել նրա ուղղությամբ։ Կասկածյալը դիմել է փախուստի, սակայն նրան ձերբակալել են։
Ամերիկյան լրատվամիջոցները, որոնք վերլուծել են Ռայան Ուեսլի Ռութի սոցցանցի էջերը, նրան անվանում են «Ուկրաինայի ջերմեռանդ կողմնակից»։ Բացի այդ, նրա անունից գործում է կայք, որը զինվորականների է հավաքագրում Ուկրաինայի զինված ուժերի համար:
