25.11.2024 | 11:07
Մոտոցիկլավարը մահացել է, վարորդը դիմել է փախուստի
Գերմանիայի ՊՆ ղեկավարը հայտարարել է, որ միջազգային իրավունքը թույլ է տալիս ՌԴ-ի խորքում հարվածները
Քաղաքականություն
13.09.2024 | 22:12
Գերմանիայի պաշտպանության նախարար Բորիս Պիստորիուսը կարծում է, որ ՆԱՏՕ-ի գործընկերների կողմից հնարավոր թույլտվությունը Ուկրաինային՝ Ռուսաստանում թիրախների դեմ հեռահար զենք օգտագործելու համար, միջազգային իրավունքի շրջանակներում է։ Այս մասին նա հայտարարել է Բեռլինում իր լիտվացի գործընկեր Լաուրինաս Կասչյունասի հետ հանդիպմանը, գրում է DW-ի ռուսական ծառայությունը։
«Միջազգային իրավունքը դա թույլ է տալիս»,- ասել է Պիստորիուսը՝ պարզաբանելով, որ Միացյալ Նահանգները և Մեծ Բրիտանիան ազատ են «այդպես որոշել» Կիևին մատակարարած զենքի առնչությամբ։
Ինչ վերաբերում է Ռուսաստանի նախագահ Վլադիմիր Պուտինի այն սպառնալիքներին, թե նման թույլտվությունը կնշանակի ՆԱՏՕ-ի պատերազմի մեջ մտնելը, Պիստորիուսն ասել է.
«Պուտինի սպառնալիքները դրանք Պուտինի սպառնալիքներն են։ Սա այն ամենն է, ինչ պետք է ասել։ Նա սպառնում է, երբ ցանկանում է և լռում է, երբ անհրաժեշտ է համարում»։
Նա հավելել է, որ Պուտինը վերջին տարիներին բազմիցս սպառնացել է արևմտյան երկրներին՝ թույլ չտալու Ուկրաինային աջակցություն, սակայն դա չպետք է ազդի Կիևին տարածքները վերադարձնելու համար անհրաժեշտ ամեն ինչ տրամադրելու վրա։
Գերմանիայի ու Լիտվային ՊՆ ղեկավարները Բեռլինում համաձայնագիր են ստորագրել Լիտվայում գերմանական բրիգադի մշտական տեղակայման մասին։ Գերմանիայի կառավարությունը Ուկրաինայի դեմ Ռուսաստանի Դաշնության լայնամասշտաբ պատերազմի ֆոնին որոշել է ուժեղացնել ՆԱՏՕ-ի արևելյան թևը և մշտական տեղակայել Բունդեսվերի մոտ 5000 հոգանոց բրիգադը Լիտվայում։
