01.11.2024 | 10:17
NYMEX. թանկարժեք մետաղների գները նվազել են
Ռուսաստանն ու Ուկրաինան գերիների փոխանակում են իրականացրել
Քաղաքականություն
13.09.2024 | 17:01
Ուկրաինան վերադարձրել է իր 49 քաղաքացիներին,- գրել է նախագահ Վլադիմիր Զելենսկին Telegram-ի իր ալիքում։ Ռուսաստանը փոխարենը ստացել է 49 զինվորական, որոնց մեծ մասը ժամկետային զինծառայողներ են, ովքեր գերի են ընկել Կուրսկի շրջանում, գրում է «Ես ուզում եմ ապրել» նախագիծը։ Ռուսական կողմից դեռ պաշտոնական հաստատում չկա, հայտնում է BBC-ի ռուսական ծառայությունը։
Զելենսկու խոսքով՝ Ուկրաինա են վերադարձել Ուկրաինայի զինված ուժերի, Ազգային գվարդիայի, Ազգային ոստիկանության, սահմանային ծառայության զինվորականներ, ինչպես նաև քաղաքացիական անձինք։ Վերջիններիս թվում է ծնունդով Ղրիմից Լենիե Ումերովան, որը լրտեսության մեղադրանքով 2023 թվականի գարնանից գտնվում էր քննչական մեկուսարանում։ Նրան բերման են ենթարկել, երբ փորձել է գնալ օկուպացված Ղրիմ՝ տեսնելու իր ծանր հիվանդ հորը։
«Մեզ հաջողվեց նաև ազատել «Ազովստալի» ևս մի քանի պաշտպանների: Տանն է նաև Ուկրաինայի հերոս՝ ռազմական բժիշկ Վիկտոր Իվչուկը»,- գրել է Զելենսկին։
