30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ԵՄ-ն Իրանին սպառնացել է ավիացիոն ոլորտի պատժամիջոցներով
Քաղաքականություն
13.09.2024 | 17:42
Եվրոպական միության արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը Իրանին մեղադրել է Ռուսաստանի Դաշնության հետ ռազմատեխնիկական համագործակցության մեջ և սպառնացել Թեհրանին նոր պատժամիջոցներով։
«Եվրամիությունը կպատասխանի անհապաղ և միջազգային գործընկերների հետ համաձայնեցված, այդ թվում՝ նոր և նշանակալի սահմանափակող միջոցների ներդրմամբ ընդդեմ Իրանի, ներառյալ Իրանի բալիստիկ հրթիռների և անօդաչու թռչող սարքերի ծրագրերում ներգրավված անհատների և կազմակերպությունների դեմ, և այս առումով դիտարկվում են նաև Իրանի ավիացիոն ոլորտի դեմ սահմանափակող միջոցները», – ասված է Բորելի այսօր հրապարակված հայտարարության մեջ:
Եվրոպացի պաշտոնյաները վերջին օրերին մեղադրում են Իրանին Ռուսաստանին բալիստիկ հրթիռներ մատակարարելու մեջ։ Թեհրանն ու Մոսկվան հերքել են արևմտյան աղբյուրների այս հաղորդագրությունները։
