22.06.2026 | 22:57
Հրդեհ Վիլնյուսի փողոցի շենքերից մեկում․ այրվել է ննջասենյակը՝ գույքով
Մոսկվայում 439 օտարերկրացի է կալանավորվել հոսթելում
Քաղաքականություն
12.09.2024 | 20:29
Մոսկվայում 439 օտարերկրացի է կալանավորվել Պրոֆսոյուզնայա փողոցում գտնվող հոսթելում, նրանց կստուգեն միգրացիոն օրենքների պահպանության և քաղաքում կատարված իրավախախտումներին հնարավոր ներգրավվածության հարցով, հայտնել են ՌԴ մայրաքաղաքի Քննչական կոմիտեից, փոխանցում է «Ինտերֆաքսը»։
Հոսթելում խուզարկությունները կատարվել են ավելի վաղ ծայրահեղական համայնք կազմակերպելու դեպքի առթիվ հարուցված քրեական գործով (Քրեական օրենսգրքի 282.2 հոդված)։ Հետաքննությունը տեղեկություն է ստացել, որ հաստատությունը խախտում է ներգաղթի օրենքները։
Ձերբակալված օտարերկրացիները կտեղափոխվեն ոստիկանության բաժանմունքներ՝ ստուգման համար։
«Հոսթելի տնօրինությունն ու վարչական անձնակազմը տեղափոխվել են մայրաքաղաքի Քննչական կոմիտեի բաժին՝ քննչական գործողությունների նպատակով»,- ասվում է հաղորդագրությունում։
