30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ԱՄՆ պետքարտուղարն ու Մեծ Բրիտանիայի ԱԳ նախարարը ժամանել են Կիև
Քաղաքականություն
11.09.2024 | 15:23
ԱՄՆ պետքարտուղար Էնթոնի Բլինքենը և Մեծ Բրիտանիայի արտաքին գործերի նախարար Դևիդ Լեմմին Լեհաստանից գնացքով ժամանել են Կիև, գրում է BBC-ի ռուսական ծառայությունը։
Նրանք հանդիպելու են Ուկրաինայի նախագահ Վլադիմիր Զելենսկիին և այլ պաշտոնյաների՝ քննարկելու «ռուսական ագրեսիայից Ուկրաինայի պաշտպանությանը հետագա աջակցությունը»:
Այցից առաջ հաղորդվել է, որ ԱՄՆ-ը կարող է վերացնել սահմանափակումները Կիևի կողմից հեռահար ամերիկյան հրթիռների կիրառման հետ կապված՝ Ռուսաստանի տարածքում գտնվող թիրախներին հարվածելու համար, ինչպիսիք են Ռուսաստանի խորքում գտնվող ռազմական օդանավակայանները:
Բլինքենը նախօրեին չէր բացառել նման հնարավորությունը, իսկ ԱՄՆ նախագահ Ջո Բայդենը հաստատել է, որ դա քննարկվում է Սպիտակ տանը։
ԱՄՆ Կոնգրեսի Ներկայացուցիչների պալատի Զինված ուժերի հանձնաժողովի մի խումբ հանրապետականներ էլ նամակ են ուղարկել Բայդենին՝ կոչ անելով վերացնել Ուկրաինայի զինված ուժերի կողմից հեռահար հրթիռների, մասնավորապես, ATACMS-ի օգտագործման սահմանափակումները՝ Ռուսաստանում թիրախներին հարվածելու համար։
