15.12.2025 | 17:20
«Լեսթերի» ֆուտբոլիստի գոլը 60 մետրից․ ՏԵՍԱՆՅՈՒԹ
ԱՄՆ-ն աշխատում է Ուկրաինայի համար ՌԴ-ի խորքերին հարվածելու սահմանափակումները չեղարկելու ուղղությամբ․ Բայդեն
Քաղաքականություն
11.09.2024 | 16:10
ԱՄՆ-ն աշխատում է չեղարկել Ուկրաինայի կողմից Ռուսաստանի տարածքի խորքերին հարվածելու համար ամերիկյան հեռահար զենքի օգտագործման սահմանափակումները, լրագրողների հետ զրույցում ասել է նախագահ Ջո Բայդենը, փոխանցում է Reuters-ը։
Հարցին՝ արդյո՞ք Վաշինգտոնը կվերացնի Կիևի կողմից հեռահար զենքի օգտագործման սահմանափակումները, Բայդենն ասել է. «Մենք հենց հիմա աշխատում ենք այդ ուղղությամբ»:
ԱՄՆ պետքարտուղար Էնթոնի Բլինքենը քիչ առաջ հաստատել է, որ երկիրը բանակցություններ է վարելու Ուկրաինայի կողմից Ռուսաստանին հարվածելու համար արևմտյան հեռահար զենքի օգտագործման հարցով, գրում է Bloomberg-ը։
«Մենք կքննարկենք և կլսենք [Ուկրաինայի խնդրանքը՝ վերացնելու հեռահար հրթիռների կիրառման սահմանափակումները]»,- ասել է ԱՄՆ պետքարտուղարը։
Ավելի վաղ հաղորդվել էր, որ ԱՄՆ-ը շուտով թույլ կտա ուկրաինական բանակին օգտագործել հեռահար ATACMS հրթիռներ Ռուսաստանի վրա հարձակվելու համար։ Axois-ի տեղեկություններով՝ այս մասին սեպտեմբերի 11-ին Կիև ժամանելուն պես կհայտարարի ԱՄՆ պետքարտուղար Էնթոնի Բլինքենը։
