22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Դրեզդենում փլուզվել է Էլբայի վրայով անցնող կամուրջը
Քաղաքականություն
11.09.2024 | 16:43
Գերմանական Սաքսոնիա դաշնային նահանգի վարչական կենտրոնում՝ Դրեզդենում, սեպտեմբերի 11-ի գիշերը Կարոլա կամրջի մի մեծ հատված ընկել է Էլբա գետը։ Ջուրն է ընկել հարյուր մետր երկարությամբ կամրջի այն հատվածը, որի երկայնքով տրամվայի գծեր են անցնում, փոխանցում է DW-ի ռուսական ծառայությունը։
Տեղական ԶԼՄ-ները, հղում անելով փրկարար ծառայություններին, հայտնում են, որ կամրջի մասնակի փլուզումը տեղի է ունեցել գիշերվա ժամը 3-ի սահմաններում, դեռևս չպարզված պատճառներով։ Կարոլա կամրջի գլխային հատվածում շուրջ մեկ մետրանոց անցք է առաջացել։
Վթարի հետևանքով վնասվել են ջեռուցման երկու խոշոր գծեր, ինչը բացասաբար է ազդել ամբողջ քաղաքի ջեռուցման վիճակի վրա։ Փրկարար ծառայությունների տվյալներով՝ Դրեզդենի ամբողջ ջեռուցման համակարգը խափանվել է, իսկ տաք ջրի հոսքերն ամբողջությամբ հեղեղել են ափի մի մասը։
