07.10.2026 | 23:48
Արթուր Դանիելյանը կալանավորվեց
Բելգորոդի մոտակայքում բեռնատար գնացքը ռելսերից դուրս է եկել երկաթուղային գծերի վրա տեղի ունեցած պայթյունի պատճառով
Քաղաքականություն
11.09.2024 | 12:45
Բելգորոդի մարզում լոկոմոտիվը և բեռնատար գնացքի վագոնները ռելսերից դուրս են եկել երկաթուղային տրանսպորտի աշխատանքին «միջամտելու պատճառով», հաղորդում է Հարավային Արևելյան երկաթուղու մամուլի ծառայությունը: Ըստ նախնական տեղեկությունների՝ զոհեր և վիրավորներ չկան։
Baza տելեգրամ-ալիքը գրում է, որ երկաթուղային գծերի վրա պայթյունի հետևանքով բեռնատար գնացքը դուրս է եկել ռելսերից։ Պաշտոնական տեղեկության համաձայն՝ միջադեպը տեղի է ունեցել սեպտեմբերի 10-ին՝ Մոսկվայի ժամանակով 23:17-ին, Վոլոկոնովկա-Նովի Օսկոլ հատվածում։ Ըստ Baza-ի աղբյուրների՝ Բատայսկից Ստարի Օսկոլ մեկնող բեռնատար գնացքը բախվել է ռելսի տակ տեղադրված պայթուցիկ սարքին։ Արդյունքում էլեկտրաքարշը և մոտ տասը դատարկ վագոն դուրս են եկել գծերից (ընդհանուր առմամբ, դրանք 58-ն են եղել)։
Տեղում աշխատում են իրավապահներն ու սակրավորները, ստեղծված է օպերատիվ շտաբ՝ դեպքի հետևանքները վերացնելու համար։
ՌԴ Քննչական կոմիտեն գործ է հարուցել ՌԴ Քրեական օրենսգրքի 205-րդ հոդվածով (զգալի գույքային վնաս պատճառած ահաբեկչություն):
Արտակարգ իրավիճակի պատճառով մի քանի գնացքների երթևեկը չեղարկվել է։
