27.05.2026 | 17:52
ԼՀԿ-ն դիմել է ԿԸՀ՝ Դանիել Իոաննիսյանին դիտորդական հավատարմագրումից զրկելու պահանջով
Փաշինյա՛ն, Աղվան Հովսեփյանին, Կոստանյանին էլ շանս տուր՝ աշխատեն, ինչո՞ւ միայն Քոչարյանի գրքի սիրահարը բարձր պաշտոն ստանա․ Լևոն Բարսեղյան․ՏԵՍԱՆՅՈՒԹ
Քաղաքականություն
10.09.2024 | 19:00
Մեծ աղմուկ է բարձրացրել ՀՀ Արդարադատության փոխնախարարի պաշտոնում Սիրվարդ Գևորգյանի նշանակումը։ Քննադատվում է, որ նա լուսանկար ունի Ռոբերտ Քոչարյանի դստեր, Քոչարյանի գրքի հետ։ Լուսանկարում երևում է նաև նախկին նախարար Արփինե Հովհաննիսյանը։ Գևորգյանն ի պատասխան քննադատությունների հայտարարություն տարածեց՝ նշելով , որ Քոչարյանին չի հանդիպել, նրա աղջկան վաղուց է ծանոթ, ընդունում է Փաշինյանի՝ «Իրական Հայաստանի» կոնցեպտը։
Ժուռնալիստների «Ասպարեզ» ակումբի խորհրդի նախագահ Լևոն Բարսեղյանին հարց ուղղեցինք՝ գուցե նա՛ որակյալ վեթինգ, անցումային արդարադատություն անի, գուցե՝ նա՞ է պակասում Փաշինյանի հեղափոխական խոստումների կատարմանը, ինչո՞ւ է քննադատաբար մոտենում նշանակմանը։
«Տիկին Սիրվարդը Քոչարյանի հանդեպ համակրանքն է ցուցադրել, հետաքրքիր է իմանալ՝ նրա գրքից ի՞նչ է իմացել, ի՞նչ է արել Քոչարյան Ռոբերտը ՀՀ-ի համար։ Փաշինյանը բարձր պաշտոնի է դրել Քոչարյանի համակրին՝ մարդ, ով մեղավոր է Մարտի 1-ի փորձանքների մեջ, խախտել է ՀՀ Սահմանադրությունը։ Այդ տիկինը Քոչարյանի արժեհամակարգը համադրելի է համարում «Նոր Հայաստանին»․ Փաշինյանի կադրային քաղաքականությունը քննադատելի է, Քոչարյանի գրականության սիրահար տիկինը մինչ փոխնախարար նշանակվելը կրկին բարձր պաշտոն է զբաղեցրել Արդարադատության նախարարությունում, ու թե ինչպե՞ս է ծառայեցրել իր պաշտոնը ՀՀ-ին, երևի նախարարները գիտեն։ Իսկ ինձ թվում է՝ վատ է ծառայեցրել, վեթինգ ինչո՞ւ չարեցիք»։
Հարցազրույցն ամբողջությամբ՝ տեսանյութում։
Ռոբերտ Անանյան
