22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Ադրբեջանի համար ընդունելի է Աստանայում ՀՀ-ի հետ բանակցությունների առաջարկը․ Ալիևը՝ Տոկաևին
Քաղաքականություն
09.09.2024 | 17:16
Ղազախստանի նախագահ Կասիմ-Ժոմարտ Տոկաևի և Ադրբեջանի նախագահ Իլհամ Ալիևի հեռախոսազրույցի վերաբերյալ հաղորդագրություն է տարածել նաև ադրբեջանական կողմը։ Նշվում է, որ Տոկաևը զանգահարել է է Ալիևին և շնորհավորել Ադրբեջանում արտահերթ խորհրդարանական ընտրությունների հաջող անցկացման ու «Նոր Ադրբեջան» կուսակցության վստահ հաղթանակի կապակցությամբ։
Կողմերն ընդգծել են, որ Ադրբեջանի և Ղազախստանի հարաբերությունները ռազմավարական գործընկերության բնույթ են կրում։ Ղազախստանի նախագահը նշել է, որ Աստանան պատրաստ է հարթակ տրամադրել Հայաստանի և Ադրբեջանի միջև խաղաղության պայմանագրի շուրջ բանակցությունների համար։
Ալիևն էլ նշել է, որ Ադրբեջանի համար ընդունելի է Աստանայում երկու երկրների միջև բանակցություններ վարելու առաջարկը։
Հավելենք, որ ղազախական կողմի հաղորդագրության համաձայն՝ Տոկաևը զրույցի ընթացքում հաստատել է Ղազախստանի պատրաստակամությունը՝ հետագայում էլ հարթակ տրամադրել Ադրբեջանի և Հայաստանի միջև խաղաղության պայմանագրի կնքման շուրջ բանակցությունների համար։
