23.06.2026 | 13:10
Ժաննա Անդրեասյանը հետևել է «Հայոց լեզու և հայ գրականություն» առարկայի միասնական քննության ընթացքին
Թուրքիան հայտնել է Հյուսիսային Իրաքում PKK-ի ավելի քան 20 թիրախ ոչնչացնելու մասին
Քաղաքականություն
09.09.2024 | 21:12
Թուրքիայի ռազմաօդային ուժերը Հյուսիսային Իրաքում չեզոքացրել են Քուրդիստանի աշխատավորական կուսակցության (PKK) 21 թիրախ։ Այս մասին ասվում է Թուրքիայի պաշտպանության նախարարության հայտարարության մեջ։
Տեղական լրատվամիջոցների հաղորդմամբ՝ գործողությունն իրականացվել է Թուրքիայի կողմից մշակված զինամթերքի առավելագույն օգտագործմամբ, Մետինայի, Գարայի, Հաքուրքի և Քանդիլի շրջաններում։ Ոչնչացվել են քարանձավներ, բունկերներ ու ապաստարաններ, որոնք օգտագործել է կազմակերպությունը։
Ռազմական գերատեսչությունից ասել են, թե հարվածները, իբր, հասցվել են ՄԱԿ-ի կանոնադրության 51-րդ հոդվածից բխող ինքնապաշտպանության իրավունքի համաձայն։
Թուրքիայի ՊՆ-ն նշում է, թե «գործողության նպատակն է վերացնել Հյուսիսային Իրաքի տարածքից խաղաղ բնակչության և անվտանգության ուժերի վրա ահաբեկչական հարձակումների սպառնալիքը՝ չեզոքացնելով PKK-ի և այլ ահաբեկչական տարրերը, ինչպես նաև ապահովել Թուրքիայի սահմանների անվտանգությունը»։
