06.10.2026 | 19:00
Իրանը կխոչընդոտի «Թրամփի ուղուն», եթե ԱՄՆ-ն պարտադրի ՀՀ-ին՝ միանալ Թեհրանի դեմ պատժամիջոցներին. Արմեն Պետրոսյան․ ՏԵՍԱՆՅՈՒԹ
ԱՄՆ-ը կիսում է Ադրբեջանի խորհրդարական ընտրությունների վերաբերյալ ԵԱՀԿ-ի մտահոգությունները․ Պետդեպ
Քաղաքականություն
05.09.2024 | 13:42
ԱՄՆ Պետքարտուղարության խոսնակ Մեթյու Միլլերը ճեպազրույցում անդրադարձել է սեպտեմբերի 1-ին Ադրբեջանում անցկացված արտահերթ խորհրդարանական ընտրություններին, որոնք քննադատության են ենթարկել միջազգային դիտորդների կողմից։
«Մենք կիսում ենք ԵԱՀԿ Ժողովրդավարական հաստատությունների և մարդու իրավունքների գրասենյակի դիտորդական առաքելության դիտարկումներն ու մտահոգությունները սեպտեմբերի 1-ին Ադրբեջանի խորհրդարանական ընտրությունների վերաբերյալ։ Կոչ ենք անում Ադրբեջանին՝ կատարել ԵԱՀԿ-ի նախորդ առաջարկությունները, ինչպես նաև այն առաջարկությունները, որոնք առաջիկայում կլինեն։ Կոչ ենք անում հնարավորություն ընձեռել ժողովրդին իրացնել հիմնարար ազատությունները՝ համաձայն երկրի Սահմանադրության և միջազգային պարտավորություններին»,- ասել է Միլլերը։
Հիշեցնենք, որ ընտրությունների արդյունքներով՝ Ադրբեջանի նախագահ Իլհամ Ալիևի ղեկավարած «Նոր Ադրբեջան» կուսակցությունը Մեջլիսում ստանում է մեծամասնություն՝ 68 մանդատ 125-ից։ Անկախ դիտորդներն ու ընդդիմադիր կուսակցությունները հայտնում են զանգվածային ընտրախախտումների մասին, որոնց տեսանյութերը տարածված են նաև համացանցում։ Գրանցվել են քվեաթերթիկների լցոնումների, կարուսելային քվեարկության, ընդդիմադիր թեկնածուների, դիտորդների և լրագրողների վրա հարձակումների դեպքեր։
ԵԱՀԿ դիտորդներն ու ԵՄ-ն ընտրությունների վերաբերյալ իրենց հայտարարություններում ընդգծել են տեղի ունեցած ընտրախախտումները։
