30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Թալան Կուրսկի շրջանում. բնակիչներն ասում են՝ դրանով զբաղվում են ՌԴ զորքերը, և մինչև հիմա ոչ ոք չի պատժվել
Քաղաքականություն
04.09.2024 | 18:18
BBC-ի թղթակիցները զրուցել են Կուրսկի շրջանի առաջնագծի բնակավայրեր այցելած ռուսների հետ։ Նրանց խոսքով՝ այնտեղ դեռ շատ մարդ կա, մասնավորապես, այն պատճառով, որ բնակիչները չեն ցանկանում հեռանալ՝ վախենալով իրենց ունեցվածքի թալանից։
«Դուք չգիտե՞ք, որ զինվորականներն են թալանով զբաղված։ Ես երբեք ուկրաինական քարոզչություն չեմ տարածել։ Բայց ես հաստատ գիտեմ նույնիսկ այն խանութները, որոնք թալանվել են զինվորականների կողմից»,- ասել է պարբերականի մոսկվաբնակ զրուցակիցներից մեկը։
BBC-ն նշում է, որ ռուսները չեն ցանկանում խոսել այս մասին՝ վախենալով «զինված ուժերին վարկաբեկելու» համար քրեական մեղադրանքներից։
Լայնածավալ պատերազմի սկսվելուց հետո «Թալան» հոդվածը հայտնվել է ՌԴ քրեական օրենսգրքում, սակայն դրա կիրառման դեպքեր չեն եղել։
