25.06.2026 | 02:11
ԱԱ-2026. Շվեյցարիան ու Կանադան դուրս եկան փլեյ-օֆֆ. ՏԵՍԱՆՅՈՒԹ
ՌԴ բանակը հրթիռակոծել է Լվովը. զոհեր և վիրավորներ կան, այդ թվում՝ երեխաներ․ ՏԵՍԱՆՅՈՒԹ
Քաղաքականություն
04.09.2024 | 10:52
Լվովում գիշերային հրթիռակոծության հետևանքով յոթ մարդ է զոհվել, ավելի քան 30-ը՝ վիրավորվել, վնասվել են բնակելի շենքեր և երկու դպրոց, ասվում է իշխանությունների հաղորդագրության մեջ։ BBC-ի ռուսական ծառայության փոխանցմամբ՝ ռուս զինվորականները չեն մեկնաբանել հարվածը։
Լվովի քաղաքապետ Անդրեյ Սադովին և շրջանային ռազմական վարչակազմի ղեկավար Մաքսիմ Կոզիցկին տելեգրամում հայտնել են, որ ժամը 9:00-ի դրությամբ գիշերային հրթիռակոծության զոհերի թիվը հասել է 7-ի:
Ավելի վաղ Կոզիցկին հայտնել էր հինգերորդ զոհի մասին՝ մանրամասնելով, որ նա 9 տարեկան աղջիկ է։ Զոհերի թվում, ըստ նրա, կա նաև 14-ամյա մի աղջիկ։
Քաղաքապետը հայտնել է, որ հարվածի հետևանքով տուժել է առնվազն 35 մարդ, իսկ մահացածներից մեկն աշխատել է Լվովի 5-րդ կլինիկայում որպես բուժքույր-մանկաբարձուհի։
Սադովոյի խոսքով՝ քաղաքի կենտրոնում և կայարանի մոտ 50 բնակելի շենք է վնասվել։
«Քաղաքի սովորական բնակելի շենքերը, դպրոցները և բուժհաստատությունները տուժել են», – մեկնաբանել է Ուկրաինայի նախագահ Վլադիմիր Զելենսկին Լվովում հարվածը։
Նրա խոսքով՝ չորեքշաբթի գիշերը Լվովից բացի հարձակում է տեղի ունեցել նաև Կրիվոյ Ռոգի վրա, որտեղ հինգ մարդ վիրավորվել է։ Նա կրկին կոչ է արել արևմտյան դաշնակիցներին Ուկրաինային հեռահար զենք տրամադրել՝ «ահաբեկչությանը արդարացի պատասխան տալու համար»:
