11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ԱՄՆ-ը նախատեսում է նոր հեռահար հրթիռներ փոխանցել Ուկրաինային. Reuters
Քաղաքականություն
03.09.2024 | 19:12
ԱՄՆ-ը մոտ է Ուկրաինային հեռահար JASSM հրթիռներ փոխանցելու համաձայնագրին, սակայն դրանց մատակարարման հետ կապված տեխնիկական հարցերի լուծումը կարող է տևել մի քանի ամիս։ Այս մասին հայտնել է Reuters-ը՝ վկայակոչելով ամերիկացի պաշտոնյաներին։
Գործակալության տվյալներով՝ Կիևի համար նախատեսված սպառազինությունների փաթեթում JASSM «օդ-երկիր» թևավոր հրթիռների ընդգրկման մասին կհայտարարվի այս աշնանը, սակայն վերջնական որոշումը դեռևս կայացված չէ։
«Մի քանի տարի առաջ դրանցից մի քանիսն արձակվել են Սիրիայի վրա քիմիական զենքի հետ կապված միջադեպից հետո, և ՌԴ ՀՕՊ համակարգերը չեն կարողացել դրանցից շատերը խոցել։ Հնարավոր է՝ դրանցից ոչ մեկը»,- ասել է Միջազգային հետազոտությունների Միդլբերի ինստիտուտից Ջորջ Ուիլյամ Հերբերտը Մոնթերեյում։
Ավելի վաղ՝ օգոստոսի 23-ին, Associated Press-ը հայտնել էր, որ ԱՄՆ նախագահ Ջո Բայդենի վարչակազմը Կիևին կուղարկի մոտ 125 միլիոն դոլար արժողությամբ ռազմական օգնության նոր փաթեթ, Javelin և մի շարք այլ հակատանկային հրթիռներ, 155 և 105 մմ տրամաչափի հրետանային զինամթերք ու այլ տեխնիկա։
