01.11.2024 | 21:16
Ադրբեջանի Մեջլիսի նախագահն ու Բաքվում ՌԴ դեսպանը Եվրախորհրդարանի «հակաադրբեջանական գործողություններն» են քննարկել
Մոնղոլիան բացատրել է, թե ինչու չի ձերբակալել Վլադիմիր Պուտինին
Քաղաքականություն
03.09.2024 | 17:27
Մոնղոլիան չի ձերբակալի ՌԴ նախագահ Վլադիմիր Պուտինին Միջազգային քրեական դատարանի որոշմամբ, քանի որ գտնվում է էներգետիկ կախվածության մեջ և հավատարիմ է չեզոքության քաղաքականությանը։ Այս մասին հայտարարել է երկրի կառավարության ներկայացուցիչը, փոխանցում է Politico-ն։
Ըստ աղբյուրի՝ Մոնղոլիան իր նավթամթերքի 95%-ը և էլեկտրաէներգիայի ավելի քան 20%-ը ներմուծում է հարևան երկրներից։
«Այս մատակարարումները չափազանց կարևոր են մեր և մեր ժողովրդի գոյության ապահովման համար: Մոնղոլիան իր բոլոր դիվանագիտական հարաբերություններում միշտ պահպանել է չեզոքության քաղաքականություն»,- ասել է կառավարության ներկայացուցիչը։
Վլադիմիր Պուտինը պաշտոնական այցով Ուլան Բատոր է ժամանել սեպտեմբերի 2-ին։
Մոնղոլիան Միջազգային քրեական դատարանի (ՄՔԴ) անդամ է և տեսականորեն պետք է ձերբակալի Ռուսաստանի նախագահին՝ դատարանի որոշմամբ: ՌԴ նախագահի մամուլի քարտուղար Դմիտրի Պեսկովն ավելի վաղ հայտարարել էր, որ Կրեմլը մտահոգված չէ Մոնղոլիա Պուտինի այցով։ Նրա խոսքով՝ Մոսկվան «հիանալի երկխոսություն ունի Մոնղոլիայի իր ընկերների հետ»։
