07.10.2026 | 23:48
Արթուր Դանիելյանը կալանավորվեց
ՌԴ-ն հարվածներ է հասցրել Զապորոժիեին
Քաղաքականություն
03.09.2024 | 11:44
Ռուսական բանակը սեպտեմբերի 3-ի գիշերը հարվածել է Զապորոժիեին։ Current Time-ի փոխանցմամբ՝ այս մասին հայտնում են տեղի իշխանությունները։ Նրանց խոսքով՝ երկու քաղաքացի է մահացել, որոնցից մեկը՝ 8-ամյա տղա։
Զապորոժիեի շրջանային վարչակազմի ղեկավար Իվան Ֆյոդորովը նշել է, որ 38-ամյա կինն ու 8-ամյա տղան զոհվել են շրջկենտրոնի վրա հրթիռային հարվածի հետևանքով, որն իրականացվել է տեղական ժամանակով ժամը 23։00-ին: Նաև, ըստ պաշտոնյայի, տուժել են 12-ամյա մի աղջիկ և 43-ամյա տղամարդ։ Երեխան վերակենդանացման բաժանմունքում է։
Նրա խոսքով՝ հարվածի հետևանքով շենքը մասամբ քանդվել է։
«Պայթյունի ալիքն ու բեկորները վնասել են հարակից բազմահարկ շենքերը»,- հայտնել է նա։
Վերջին 24 ժամվա ընթացքում, ըստ Ֆյոդորովի, ռուս զինվորականները 313 հարված են հասցրել Զապորոժիեի շրջանի 11 բնակավայրերին, իսկ բնակելի շենքերի և ենթակառուցվածքների ավերածությունների մասին 38 հաղորդում է ստացվել։
