15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Բելգորոդում գնդակոծության պատճառով մանկապարտեզ է ավերվել. որոշ դպրոցներ անցել են հեռավար ուսուցման, տասնյակ մանկապարտեզներ փակ են
Քաղաքականություն
02.09.2024 | 11:51
ՌԴ Պաշտպանության նախարարությունը հայտնել է սեպտեմբերի 2-ի գիշերը Բելգորոդի շրջանում ու Սև ծովի վրա երկու անօդաչու թռչող սարքերի ոչնչացման մասին, գրում է Current Time-ը։
Բելգորոդի նահանգապետ Վյաչեսլավ Գլադկովը հայտնել է, որ Բելգորոդ քաղաքում «ուղիղ հարվածներ կան» մեկ սոցիալական նշանակության և մեկ առևտրային հաստատության վրա։ Նրա խոսքով՝ գնդակոծության հետևանքով մանկապարտեզ է ավերվել։ Երկու առանձնատներում կոտրվել են ապակիներ, վնասվել է ավտոմեքենա։ Տասնյակ մանկապարտեզներ մեկ շաբաթով փակ կլինեն գնդակոծության պատճառով։
«Հիմնական նպատակը երեխաների անվտանգությունն ապահովելն է», – ասել է Բելգորոդի քաղաքապետ Վալենտին Դեմիդովը՝ հավելելով, որ դպրոցներն անցել են հեռավար ուսուցման։
Դուբովո բնակավայրում վիրավորվել է մեկ կին, նա տեղափոխվել է հիվանդանոց։ Հրդեհվել է երկու տուն ու 4 ավտոմեքենա, վնասվել է շենքի ճակատամասն ու ապակեպատ հատվածները։
Մայսկի գյուղում մեկ տուն է հրդեհվել, վնասվել է երկու ավտոմեքենա։ Բոլոր օպերատիվ ծառայություններն աշխատում են տեղում։ Հետևանքների մասին տեղեկությունները չեն պարզաբանվում, գրել է նա։
