30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ռուսական զորքերն Ուկրաինային հարվածել են «Իսկանդեր» հրթիռով և 18 ԱԹՍ-ներով
Քաղաքականություն
30.08.2024 | 11:33
Օգոստոսի 30-ի գիշերը ռուսական զորքերը հարձակվել են Ուկրաինայի վրա «Իսկանդեր-Մ» բալիստիկ հրթիռով և «Շահեդ» տիպի 18 հարվածային անօդաչու թռչող սարքերով, հայտնում է Ուկրաինայի Զինված ուժերի ռազմաօդային ուժերը, փոխանցում է Current Time-ը։
Սումի քաղաքում քաղաքացիական ձեռնարկության վրա ավիահարվածի հետևանքով հրդեհ է բռնկվել, 9 մարդ տուժել է, հաղորդում է Սումիի շրջանի դատախազությունը։ Իշխանությունները հորդորել են քաղաքի բնակիչներին չլքել իրենց տները և փակել պատուհանները, քանի դեռ հրդեհի հետևանքները չեն վերացվել։
Պոլտավայի շրջանային վարչակազմի ղեկավար Ֆիլիպ Պրոնինն էլ հայտնել է, որ ռուս զինվորականները հարվածել են արդյունաբերական օբյեկտին, ոչ ոք չի տուժել։
Ուկրաինացի զինվորականների տվյալներով՝ 18 անօդաչու թռչող սարքերից 12-ը խոցվել են Վիննիցայի, Նիկոլաևի, Դնեպրոպետրովսկի, Խերսոնի և Սումիի մարզերում։
