17.12.2025 | 11:33
Տեր Շտեգենը վերադարձել է խաղադաշտ ու մասնակցել «Բարսելոնայի» հաղթանակին․ ՏԵՍԱՆՅՈՒԹ
Դատարանը նշել է «Կրոկուս սիթի հոլլ»-ում տեղի ունեցած ահաբեկչության գործով ևս 5 մեղադրյալների անունները
Քաղաքականություն
29.08.2024 | 17:18
Մոսկվայի Բասմանի դատարանը որոշում է կայացրել երկարաձգել մերձմոսկովյան «Կրոկուս սիթի հոլլ» համերգասրահում տեղի ունեցած ահաբեկչության հետ կապված քրեական գործով ևս 5 մեղադրյալների կալանքը երկարաձգելու մասին։ Խոսքը Շախրոմջոն Գադոևի, Զուբայդուլո Իսմայիլովի, Մուստակիմ Սոլիևի, Ումեդժոն Սոլիևի և Հուսեյն Խամիդովի մասին է։ Նրանք կալանքի տակ կմնան մինչև 2024 թվականի դեկտեմբերի 1-ը, փոխանցում է Կոմերսանտը։
Մինչ այս պահը այս հինգ տղամարդկանց անունները չեն բացահայտվել։ Մայրաքաղաքի դատարանների մամուլի ծառայությունում ևս չեն նշել, թե երբ է կայացվել նրանց կալանավորելու որոշումը։
«Կրոկուս սիթի հոլլ»-ում ահաբեկչությունը տեղի է ունեցել մարտի 22-ին։ Զոհվել է 145, վիրավորվել՝ ավելի քան 550 մարդ։
Մայիսին ՌԴ ԱԴԾ ղեկավար Ալեքսանդր Բորտնիկովը հայտնել էր, որ ահաբեկչության հետ կապված, ընդհանուր առմամբ, ավելի քան 20 մարդ է կալանավորվել, այդ թվում՝ մեղավորներն ու հանցակիցները։ Նրանցից 18-ը, օգոստոսի դրությամբ, ձերբակալված է։ Տուժող է ճանաչվել ավելի քան 1700 մարդ։
