11.08.2026 | 09:43
Արմավիրի մարզում 2026-ի առաջին կիսամյակում սպանության, սպանության փորձի և ավազակության բոլոր դեպքերը բացահայտվել են. ՆԳՆ
Դուրովի երեխաների մայրը դատական հայց է ներկայացրել նրա դեմ. Forbes
Քաղաքականություն
28.08.2024 | 20:41
Իրինա Բոլգարը, որը պնդում է, որ Telegram-ի հիմնադիր Պավել Դուրովի երեք երեխաների մայրն է, հայտարարել է, թե գործարարը ֆիզիկական բռնություն է կիրառել կրտսեր որդու նկատմամբ։ 2023 թվականի գարնանը Բոլգարը երկու հայց է ներկայացրեց Դուրովի դեմ Շվեյցարիայում, որտեղ նա ապրում է։ Մեկը քրեական գործ է, մյուսը՝ քաղաքացիական հայց՝ երեխաների խնամակալության հարցով: Փաստաթղթերին ծանոթացել է Forbes-ը։
Հայցերը ներկայացվել են 2023 թվականի գարնանը՝ մի քանի ամիս անց այն բանից հետո, երբ, ըստ Բոլգարի, Դուրովը դադարեցրել է ամսական 150,000 եվրոյի չափով ալիմենտի վճարումը։
Իրինա Բոլգարը հայցում նշել է, որ Պավել Դուրովը 2021-2022 թվականներին հինգ անգամ բռնություն է գործադրել 2017 թվականի սեպտեմբերին ծնված կրտսեր որդու նկատմամբ։ Ենթադրվում է, որ երեխան ուղեղի ցնցում է ստացել և սկսել է քնի հետ կապված խնդիրներ ունենալ: Ապացույցները ներառում են հաղորդագրությունների սղագրություններ, որոնք ծնողների միջև փոխանակվել են 2021 թվականի նոյեմբերին Փարիզում, ինչպես նաև 2023 թվականի ապրիլին թվագրված բժշկական տեղեկանք, որը հաստատում է, որ երեխան տառապում է անհանգստությունից և քնի խանգարումներից: Բոլգարի խոսքով՝ Դուրովը դադարել է հանդիպել իրենց ընդհանուր երեխաների հետ 2022 թվականի սեպտեմբերին։
2023 թվականի մայիսին Ժնևի դատարանը որոշում է կայացրել երեխաների միանձնյա խնամակալությունը հանձնել մոր։ Նրա ներկայացուցիչն ասել է, որ ձեռնարկատերը չի վիճարկել խնամակալության փոխանցումը։
Պավել Դուրովի ներկայացուցիչը հրաժարվել է մեկնաբանել Բոլգարի հայցերը, միայն հաստատել է մասնակցությունը քաղաքացիական գործին։
