30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Իսրայելում երեխան պատահաբար կոտրել է թանգարանում գտնվող 3500-ամյա սափորը
Քաղաքականություն
28.08.2024 | 22:35
Իսրայելի թանգարաններից մեկում էքսկուրսիայի ժամանակ 4-ամյա տղան պատահաբար կոտրել է 3500-ամյա սափորը։ Այս մասին հայտնում է BBC-ն։
Հայֆայի Hecht թանգարանը հայտնել է, որ սափորը թվագրվում է բրոնզի դարով՝ մ.թ.ա. 2200-ից 1500 թվականները, և հազվագյուտ գտածո է, քանի որ այն մնացել է անձեռնմխելի: Այն ցուցադրվել է թանգարանի մուտքի մոտ՝ առանց ապակե պաշտպանիչ շերտի, քանի որ թանգարանը կարծում է, որ հնագիտական գտածոների «անխախտ» ցուցադրությունում «հատուկ հմայք» կա:
Երեխայի հայրը պատմել է, որ որդին փոքր-ինչ ձգել է սափորը դեպի իրեն, քանի որ ցանկացել է տեսնել՝ ինչ կա դրա մեջ։ Արդյունքում սափորն ընկել է ու կոտրվել։ Տղամարդը ցնցվել է՝ տեսնելով որդուն բեկորների կույտի կողքին։
«Կան դեպքեր, երբ ցուցանմուշները դիտավորյալ վնասվում են, և նման դեպքերին մեծ խստությամբ ենք վերաբերվում, այդ թվում՝ ոստիկանների ներգրավմամբ։ Այս դեպքում, սակայն, իրավիճակն այլ էր. սափորը պատահաբար վնասվել է փոքրիկ երեխայի կողմից, որն այցելել էր թանգարան, և արձագանքը համապատասխան կլինի»,- ասել է BBC-ի թանգարանի աշխատակից Լիհի Լասլոն։
