11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Մեծ Բրիտանիան հայտարարել է Գերմանիայի հետ պաշտպանական ոլորտում համագործակցության համաձայնագրի մասին
Քաղաքականություն
28.08.2024 | 15:31
Մեծ Բրիտանիայի վարչապետ Քիր Սթարմերը և նրա թիմը ծրագրում են առաջիկա վեց ամիսների ընթացքում համաձայնության գալ Գերմանիայի հետ պաշտպանության, առևտրի և բիզնեսի ոլորտներում համագործակցության ընդլայնման հարցում: Այսօր Մեծ Բրիտանիայի վարչապետը կայցելի Գերմանիա և կհանդիպի կանցլեր Օլաֆ Շոլցի հետ։
«Քիր Սթարմերը կհանդիպի Գերմանիայի կանցլեր Օլաֆ Շոլցի հետ՝ բանակցություններ սկսելու նոր երկկողմ պայմանագրի շուրջ, որը, ինչպես ակնկալվում է, կխթանի բիզնեսն ու առևտուրը, կխորացնի պաշտպանության և անվտանգության ոլորտում համագործակցությունը և կամրապնդի համատեղ գործողություններն անօրինական միգրացիայի դեմ պայքարում», – հայտնել է բրիտանական կառավարությունը:
Համաձայնագիրը պետք է ստորագրվի 2025 թվականի սկզբին։ Ի թիվս այլ բաների՝ դա թույլ կտա Մեծ Բրիտանիայի և Գերմանիայի կառավարություններին «միասնաբար գործել աշխարհաքաղաքական առանցքային հարցերի շուրջ», ներառյալ՝ Ուկրաինայում հակամարտությունը:
Քիր Սթարմերը և Օլաֆ Շոլցը կքննարկեն տնտեսության ամրապնդման նպատակով Միացյալ Թագավորության համագործակցությունը հիմնական գործընկերների հետ: Բրիտանացի պաշտոնյան կհանդիպի նաև գերմանական Siemens Energy ընկերության ղեկավարության հետ, որը մոտ 6 հազար աշխատատեղ է ապահովում Բրիտանիայի քաղաքացիների համար։
