24.06.2026 | 17:49
ՀԱՊԿ-ից հայտարարել են, որ մանրակրկիտ կքննարկեն Հայաստանի անդամակցության հարցը
Պավել Դուրովի հետ կալանավորված թիկնապահն ու օգնականը հարցաքննությունից հետո ազատ են արձակվել. Դուրովը շարունակում է մնալ կալանքի տակ
Քաղաքականություն
27.08.2024 | 11:43
Ձերբակալության ժամանակ Telegram-ի հիմնադիր Պավել Դուրովին ուղեկցողներն ազատ են արձակվել հարցաքննությունից հետո, գրում է Le Figaro-ն՝ հղում անելով ֆրանսիական իրավապահ մարմիններում իր աղբյուրին։
Ավելի վաղ հաղորդվել էր, որ Դուրովի հետ Փարիզի օդանավակայանում բերման են ենթարկվել նրա թիկնապահն ու օգնականը։ Երիտասարդ կինը, որն ուղեկցում էր Դուրովին, ըստ Le Figaro Madame-ի, Յուլիա Վավիլովան է, որն իրեն սոցիալական ցանցերում ներկայացնում է որպես «կրիպտոխորհրդատու»։ Ենթադրաբար, Դուրովն ու Վավիլովան մտերիմ հարաբերություններ ունեն։
Պավել Դուրովի կալանքի ժամկետը երկարացվել է մինչև օգոստոսի 28-ը։ Ֆրանսիական լրատվամիջոցներն ավելի վաղ գրել էին, որ նա կարող է առանց մեղադրանքի կալանքի տակ մնալ առավելագույնը 96 ժամ։
Դուրովը ձերբակալվել է օգոստոսի 25-ի գիշերը Փարիզի օդանավակայանում։ Դատախազությունը հայտնել է, որ Դուրովը կալանավորվել է 12 հանցագործության համար անհայտ անձանց դեմ գործի հետաքննության շրջանակում։ Մամուլի հաղորդագրությունից հետևում է, որ Դուրովին բերման են ենթարկել ցուցմունք տալու համար։ Դատախազությունը չի հստակեցրել՝ արդյո՞ք Telegram-ի հիմնադրին մեղադրանք է առաջադրվելու։
