15.12.2025 | 13:49
Ուիթկոֆը հայտարարել է Բեռլինում Զելենսկիի հետ բանակցություններում «նշանակալի առաջընթացի» մասին
Հարյուրից ավելի հրթիռներ և նույնքան ԱԹՍ-ներ․ Զելենսկին՝ Ուկրաինայի վրա զանգվածային հարձակման մասին
Քաղաքականություն
26.08.2024 | 18:16
Ուկրաինայի նախագահ Վլադիմիր Զելենսկին տեսաուղերձ է հրապարակել Ուկրաինայի դեմ ռուս զինվորականների այսօրվա զանգվածային հարվածի մասին՝ այն անվանելով «ամենախոշորներից մեկը»․ հարյուրից ավելի տարբեր տեսակի հրթիռներ և մոտ հարյուր «Շահեդ»-ներ, փոխանցում է BBC-ի ռուսական ծառայությունը։
«Ինչպես ռուսական նախորդ հարվածներից շատերը, այս մեկը նույնքան ստոր է, թիրախավորում է կարևոր քաղաքացիական ենթակառուցվածքները մեր շրջանների մեծ մասում՝ Խարկովի մարզից և Կիևից մինչև Օդեսա և արևմտյան շրջաններ»,- նշել է նա:
Ուկրաինայի նախագահի խոսքով՝ հարձակման հետևանքով «շատ վնասներ են հասցվել էներգետիկ համակարգին», սակայն այնտեղ, որտեղ էլեկտրաէներգիայի անջատումներ են եղել, արդեն ընթանում են վերականգնման աշխատանքները։
Զելենսկին հավելել է, որ Վլադիմիր Պուտինը «կարող է անել միայն այն, ինչ իրեն թույլ է տալիս աշխարհը։ Թուլությունն ու ի պատասխան անբավարար որոշումները սարսափ են սնում»: Նրա խոսքով՝ յուրաքանչյուր ղեկավար, Ուկրաինայի յուրաքանչյուր գործընկեր «գիտի, թե ինչ ուժեղ որոշումներ են անհրաժեշտ պատերազմը դադարեցնելու և դա արդարացիորեն անելու համար»։
