07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
ԱՄՆ-ը Վրաստանին կոչ է անում վերադառնալ ժողովրդավարության ուղի
Քաղաքականություն
26.08.2024 | 16:21
ԱՄՆ-ն արձագանքել է Վրաստանի իշխող կուսակցության վերջին հայտարարություններին, որը խոստացել է օրենքից դուրս հայտարարել գրեթե բոլոր քաղաքական հակառակորդներին, եթե հաղթի այս հոկտեմբերին նախանշված խորհրդարանական ընտրություններում:
«Միացյալ Նահանգները շարունակում է խորապես մտահոգված լինել իշխող «Վրացական երազանք» կուսակցության աճող հակաժողովրդավարական հռետորաբանությամբ և գործողություններով: Ընդդիմությանն օրենքից դուրս ճանաչելու ծրագրերի մասին հայտարարությունները ևս մեկ նման օրինակ են։ Մենք կոչ ենք անում Վրաստանի կառավարությանը հարգել մարդու իրավունքներն ու հիմնարար ազատությունները, դադարեցնել իր քննադատների դեմոնացումը և այլախոհության համար տարածքը սահմանափակելը և վերադառնալ ժողովրդավարության ու եվրաատլանտյան ինտեգրման ուղի»,- ասել է Պետքարտուղարության ներկայացուցիչը։
Վրաստանի վարչապետ Իրակլի Կոբախիձեն ուրբաթ հայտարարել էր, որ կառավարությունը կձգտի արգելել ավելի քան կես տասնյակ կուսակցությունների գործունեությունը հոկտեմբերին կայանալիք կարևոր ազգային քվեարկությունից հետո: Սա տեղի է ունեցել ընդամենը մի քանի օր անց այն բանից հետո, երբ իշխող «Վրացական երազանք» կուսակցությունը սպառնացել է ցրել խորհրդարանի ամենամեծ ընդդիմադիր կուսակցությունը՝ «Միացյալ ազգային շարժումը» (ՄԱԿ), որը հիմնել է ներկայում բանտում գտնվող Վրաստանի նախկին նախագահ Միխեիլ Սաակաշվիլին։
