11.08.2026 | 09:43
Արմավիրի մարզում 2026-ի առաջին կիսամյակում սպանության, սպանության փորձի և ավազակության բոլոր դեպքերը բացահայտվել են. ՆԳՆ
Վրաստանի խորհրդարանը կարող է դառնալ միակուսակցական
Քաղաքականություն
23.08.2024 | 22:28
Վրաստանի վարչապետ Իրակլի Կոբախիձեն չի բացառել, որ եթե ընդդիմադիր «Միացյալ ազգային շարժում» կուսակցության պատգամավորների մանդատները չեղարկվեն, հոկտեմբերի 26-ին կայանալիք ընտրություններից հետո խորհրդարանը կարող է դառնալ միակուսակցական, գրում է Գրուզիա օնլայնը։
«Այսօր Մոլդովայի խորհրդարանը գործնականում միակուսակցական է, բայց դա ողջունում են բոլորը։ Նույնը տեղի կունենա Վրաստանում»,- լրագրողներին ասել է Կոբախիձեն։
Վրաստանի կառավարության ղեկավարը կանխատեսում է, որ խորհրդարանական ընտրությունների արդյունքներով երկրի օրենսդիր մարմնում կհայտնվեն միայն երկու կուսակցություններ՝ իշխող «Վրացական երազանք-Ժողովրդավարական Վրաստանը» և «Միացյալ ազգային շարժումը»։
Կոբախիձեն այսօր ավելի վաղ ասել էր, որ նախկին նախագահ Միխեիլ Սաակաշվիլիի կողմից հիմնադրված «Միացյալ ազգային շարժում» կուսակցության անդամները կզրկվեն պատգամավորական մանդատներից այն բանից հետո, երբ քաղաքական ասոցիացիան հակասահմանադրական ճանաչվի:
Օգոստոսի 20-ին Վրաստանի իշխող կուսակցությունը հայտարարություն է տարածել, որում ասվում է, որ եթե հաղթի գալիք խորհրդարանական ընտրություններում և ստանա սահմանադրական մեծամասնություն օրենսդիր մարմնում, ապա «Միացյալ ազգային շարժումը» կհայտարարի հակասահմանադրական կուսակցություն։
