11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Թուրքիան 5 տարի անց հրավիրվել է ԵՄ խորհրդի ոչ պաշտոնական հանդիպմանը
Քաղաքականություն
22.08.2024 | 23:20
Թուրքիայի արտգործնախարար Հաքան Ֆիդանը կայցելի Բրյուսել՝ մասնակցելու ԵՄ խորհրդի ոչ պաշտոնական հանդիպմանը։ TRT հեռուստաալիքի փոխանցմամբ՝ սա ԵՄ-ի կողմից Թուրքիային ուղղված առաջին նման հրավերն է վերջին 5 տարվա ընթացքում։
Թուրքիայի ԱԳՆ պաշտոնական ներկայացուցիչ Օնջու Քեչելին հաստատել է միջոցառմանը Ֆիդանի մասնակցության փաստը։
«Մենք ողջունում ենք այս հրավերը։ Դա նաև նշան է, որ ԵՄ-ն հասկանում է Թուրքիայի հետ հարաբերությունները զարգացնելու անհրաժեշտությունը տարածաշրջանային և գլոբալ մարտահրավերների պայմաններում: Հարաբերություններում առաջընթացի հասնելու համար կարևոր է, որ բոլոր ոլորտներում ԵՄ-ի հետ մեր համագործակցությունն ու երկխոսությունը տեղի ունենա շարունակական և համակարգված հիմքի վրա և իրականացվի կանխատեսելի կերպով»,- ասել է Քեչելին:
ԵՄ անդամ երկրների արտաքին գործերի և պաշտպանության նախարարներն օգոստոսի 29-30-ը կհավաքվեն Բրյուսելում՝ ԵՄ խորհրդի ոչ պաշտոնական հանդիպմանը:
