22.11.2024 | 17:48
Կիմ Չեն Ընը խոսել է Կորեական թերակղզում միջուկային պատերազմի մասին
Թիմ Ուոլզը՝ Դեմոկրատական կուսակցության փոխնախագահի թեկնածու
Քաղաքականություն
22.08.2024 | 13:28
ԱՄՆ Մինեսոտայի նահանգապետ Թիմ Ուոլզն ընդունել է Դեմոկրատական կուսակցության փոխնախագահի թեկնածությունը։
«Սա իմ կյանքի պատիվն է»,- ասել է նա Չիկագոյում Դեմոկրատական կուսակցության ազգային համագումարում, փոխանցում է DW-ի ռուսական ծառայությունը:
«Մենք բոլորս այս գիշեր այստեղ ենք մի գեղեցիկ և պարզ պատճառով՝ մենք սիրում ենք այս երկիրը»,- ասել է նա:
Իր ելույթում 60-ամյա քաղաքական գործիչը խոսել է իր կյանքի փուլերի, մասնավորապես, Նեբրասկայի փոքրիկ քաղաքում իր մանկության և ամերիկյան ֆուտբոլի մարզիչ աշխատելու մասին։
Համագումարի ժամանակ ելույթ է ունեցել նաև ԱՄՆ նախկին նախագահ Բիլ Քլինթոնը՝ սատարելով Ուոլզին և ԱՄՆ փոխնախագահ Քամալա Հարրիսին, որը դեմոկրատների կողմից առաջադրվել է որպես նախագահի թեկնածու։
«Հարրիսն ու Ուոլցը տիպիկ ամերիկյան երկու առաջնորդներ են, բայց և անհավանական կյանքի պատմություններով»,- ասել է նա:
Քլինթոնը վստահություն է հայտնել, որ Հարրիսն ու Ուոլզը «թարմ օդի» շունչ կլինեն Միացյալ Նահանգների համար, իսկ նրանց ընտրած ամերիկացիները «հպարտ կլինեն դրանով իրենց ամբողջ կյանքում»։
Չիկագոյում ելույթ են ունեցել նաև երաժիշտներ Սթիվի Ուանդերը և Ջոն Լեջենդը, դերասանուհի Մինդի Քալինգը, դերասան Քինան Թոմփսոնը և հեռուստահաղորդավարուհի Օփրա Ուինֆրին։
