07.10.2026 | 22:33
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
Թուրքիայում հերքել են ֆինանսների նախարարի հրաժարականի մասին լուրերը
Քաղաքականություն
21.08.2024 | 13:19
Թուրքիայի նախագահ Ռեջեփ Թայիփ Էրդողանի վարչակազմը հերքել է տեղեկությունը, թե ֆինանսների և բյուջեի նախարար Մեհմեդ Շիմշեքը մտադիր է լքել պաշտոնը, փոխանցում է ՌԻԱ Նովոստին։
Նման հաղորդագրություններ են հայտնվել չորեքշաբթի մի շարք ընդդիմադիր պարբերականներում և սոցիալական ցանցերում։
«Այն պնդումները, թե նախարար Շիմշեքը որոշել է հրաժարական տալ իր պաշտոնից, և որ նրան համոզել են մնալ այդ պաշտոնում, իրականությանը չեն համապատասխանում։ Մի ապավինեք ապատեղեկատվական նորություններին, որոնք միտումնավոր տարածվում են՝ շուկաներում անհանգստություն և անվստահություն առաջացնելու համար»,- ասվում է Թուրքիայի նախագահի աշխատակազմի Հաղորդակցության տնօրինության Հակաապատեղեկատվության կենտրոնի հայտարարության մեջ։
Թուրքիայում տարեկան գնաճը կտրուկ նվազել է, մեկ ամսվա ընթացքում՝ գրեթե 10 տոկոսային կետով՝ հուլիսին կազմելով 61,78%, հաղորդում է երկրի վիճակագրական ծառայությունը (TUIK): Էրդողանն ավելի վաղ հույս էր հայտնել, որ սեպտեմբերին Թուրքիայում տարեկան գնաճը կհասնի 50%-ից ցածր շեմի։
