15.07.2026 | 14:10
ՌԴ-ում ծնված ներդրողին Պետդեպը նշանակել է TRIPP-ի հիմնադրամի ղեկավար․ նա ներդրումներ ունի նաև ՀՀ-ում․ The Guardian
Նոան խոշոր հաշվով հաղթեց Սլովակիայի գավաթակրին
20.08.2024 | 22:25
Աբովյանի Վահագն Թումասյանի անվան մարզադաշտում ավարտվեց Կոնֆերենցիաների լիգայի խաղարկության փլեյ-օֆֆի Նոա- Ռուժոմբերոկ հանդիպումը։ Հայաստանի փոխչեմպիոնը հաղթեց խոշոր՝ 3-0 հաշվով և պատասխան խաղին կմեկնի մեծ առավելությամբ։
Հանդիպման հաշիվը բացեց պորտուգալացի հարձակվող Գոնսալու Գրեգորիուն 4-րդ րոպեին։ Երկրորդ խաղակեսի միջնամասում հոսանքազրկման հետևանքով խաղը ընդհատվեց և վերսկվեց տևական դադարից հետո։
79-րդ րոպեին մրցավարը 11-մետրանոց նշանակեց մրցակցի դարպասին, որը արդյունավետ իրացրեց Գոռ Մանվելյանը։
Հիմնական ժամանակի ավելացված 3-րդ րոպեին Մատեուս Այասը գլխի հարվածով 3-րդ գնդակն ուղարկեց «Ռուժոմբերոկի» դարպասը։
Սա Նոայի 5-րդ հաղթանակն էր եվրագավաթների որակավորման փուլում մեկ մրցաշրջանում, ինչը ռեկորդային ցուցանիշ է հայկական ակումբների մեջ: Դիմակայության պատասխան հանդիպումը կկայանա օգոստոսի 29-ին:
