26.06.2026 | 19:25
Զինվորական ծառայությունից խուսափելու գործերով հետազոտությունից հրաժարվելու համար քրեական պատասխանատվություն կարող է սահմանվել
Իսպանիայում մահացել է աշխարհի ամենատարեց մարդը՝ Մարիա Բրանյաս Մորերան
Քաղաքականություն
20.08.2024 | 18:22
Իսպանիայի հյուսիս-արևելքում գտնվող Օլոտ քաղաքում մահացել է աշխարհի ամենատարեց մարդը՝ Մարիա Բրանյաս Մորերան։ Մահվան պահին նա 117 տարեկան 169 օրական էր։ 2023 թվականի հունվարի 17-ի դրությամբ՝ նա մոլորակի ամենատարեց մարդն էր։
Մորերան մահացել է Սանտա Մարիա դել Տուրա ծերանոցում օգոստոսի 19-ին։ Նրա մահվան մասին հայտնել է ընտանիքը X սոցիալական ցանցում։
Մարիա Բրանյաս Մորերան ծնվել է 1907 թվականի մարտի 4-ին Սան Ֆրանցիսկոյում։ Նրա հայրը Պամպլոնայից էր (Իսպանիա), իսկ մայրը՝ կատալոնացի։ 1915 թվականին նրա ընտանիքը տեղափոխվել է Իսպանիա։ 1931 թվականին նա ամուսնացել է բժիշկ Ջոան Մորեթի հետ։ Զույգն ունեցել է երեք երեխա, տասնմեկ թոռ և տասներեք ծոռ։
1990-ականներին Մորերան ճանապարհորդել է աշխարհով մեկ։ 2000 թվականից նա ապրում էր ծերանոցում։ 2019 թվականին նա պաշտոնապես ճանաչվել է Իսպանիայի ամենատարեց բնակիչը։
2023 թվականի հունվարին Գինեսի ռեկորդների գրքում Մորերային պաշտոնապես ճանաչել են որպես աշխարհի ամենատարեց մարդ՝ 118 տարեկանում ֆրանսիացի միանձնուհի Լյուսիլ Ռենդոնի մահից հետո:
