23.01.2026 | 16:00
«Ուկրաինական զորքերը պետք է լքեն Դոնբասը». Պեսկով
Կոբախիձեն Վրաստանի խորհրդարանական ընտրությունները «պատերազմի և խաղաղության հանրաքվե» է անվանել
Քաղաքականություն
19.08.2024 | 21:23
Վրաստանում հոկտեմբերի 26-ին նշանակված խորհրդարանական ընտրությունները կդառնան «պատերազմի և խաղաղության հանրաքվե»։ Այս մասին հայտարարել է երկրի վարչապետ Իրակլի Կոբախիձեն, փոխանցում է 1tv.ge-ն։
«Դրանք [ընտրությունները] իրենց տեսակի մեջ հանրաքվե են պատերազմի և խաղաղության միջև, հանրաքվե քարոզչության և ավանդական արժեքների միջև: Իրականում ընտրությունը պարզ է, ընտրությունը պետք է կատարվի հօգուտ խաղաղության, բարոյականության և երկրի լուսավոր ապագայի»,- լրագրողներին ասել է Կոբախիձեն։
Վրաստանում խորհրդարանական ընտրությունները տեղի կունենան հոկտեմբերի 26-ին։ Իշխող «Վրացական երազանք-Ժողովրդավարական Վրաստան» կուսակցության առաջնորդի կարծիքով՝ կուսակցության վարկանիշը կազմում է մոտ 60%, իսկ ընդդիմադիր շատ կուսակցություններ չեն կարողանա հաղթահարել խորհրդարան մտնելու հինգ տոկոսի արգելքը։ Որոշ փոքր ընդդիմադիր կուսակցություններ ընտրություններից առաջ արդեն հայտարարել են, որ միավորվելու են ավելի խոշոր՝ «Լելո», «Հանուն Վրաստան» և «Նոր» կուսակցությունների հետ, ինչը կարող է օգնել նրանց մտնել խորհրդարան։
