11.08.2026 | 09:43
Արմավիրի մարզում 2026-ի առաջին կիսամյակում սպանության, սպանության փորձի և ավազակության բոլոր դեպքերը բացահայտվել են. ՆԳՆ
Ուկրաինայի ԶՈՒ-ն HIMARS-ով հարվածել է Կուրսկի շրջանում երկրորդ կամրջին
Քաղաքականություն
19.08.2024 | 12:41
Ուկրաինայի ԶՈւ ռազմաօդային ուժերն ավիացիայի օգնությամբ գրոհել են Կուրսկի շրջանի ևս մեկ կամուրջ, հայտնել է ուժերի հրամանատար, գեներալ-լեյտենանտ Նիկոլայ Օլեշչուկը։
Դատելով ռուսական և ուկրաինական տելեգրամ ալիքների հրապարակած տեղեկություններից՝ այն Սեյմ գետի վրայով անցնող Գլուշկովսկի շրջանի Զվաննոյե գյուղի կամուրջն է։ Օլեշչուկի գրառման մեջ ասվում է, որ ուկրաինական զինված ուժերը շարունակում են «ճշգրիտ օդային հարվածներով» զրկել ռուսական բանակին «լոգիստիկ հնարավորություններից»։ Նա հրապարակել է հարձակման տեսանյութը, որում երևում է պայթյուն և անցք ճանապարհի մակերեսին:
Ռուսաստանի անվտանգության ուժերին մոտ գտնվող Mash տելեգրամ ալիքը պնդում է, որ Ուկրաինայի զինված ուժերը հարվածել են կամրջին՝ օգտագործելով HIMARS հրթիռային համակարգը։ Գլուշկովսկի շրջանում երեք կամուրջներից մնացել է վերջինը, որը ռուսական բանակը կարող է օգտագործել մատակարարումների համար։ Այն գտնվում է Կարիժ գյուղում։
Ռուսական կողմը դեռևս չի մեկնաբանել կամրջի վրա հարձակման մասին հաղորդագրությունը։
