07.10.2026 | 23:48
Արթուր Դանիելյանը կալանավորվեց
Թրամփն ու Հարիսը պլանավորում են հոկտեմբերին իրենց երկրորդ հեռուստաբանավեճն անցկացնել
Քաղաքականություն
16.08.2024 | 15:38
ԱՄՆ նախագահի Դեմոկրատական կուսակցության թեկնածու Քամալա Հարիսը և նրա հանրապետական մրցակից Դոնալդ Թրամփը հոկտեմբերին հեռուստաբանավեճերի երկրորդ փուլ կանցկացնեն։ Այս մասին հայտնել է Հարիսի ընտրական քարոզարշավի հաղորդակցման հարցերով տնօրեն Մայքլ Թայլերը։
«Եթե Դոնալդ Թրամփը սեպտեմբերի 10-ին, իրոք, ներկայանա փոխնախագահ Հարիսի հետ բանավեճին, ապա նահանգապետ Ուոլզը կհանդիպի Ջեյ Դի Վենսի հետ հոկտեմբերի 1-ին, իսկ ամերիկացիները ևս մեկ հնարավորություն կունենան բանավեճում տեսնելու փոխնախագահ Հարիսին ու Դոնալդ Թրամփին հոկտեմբերին»,- ասել է Թայլերը, որի խոսքերն է մեջբերում The Hill-ը։
Քամալա Հարիսը և Դոնալդ Թրամփը պայմանավորվել են իրենց առաջին բանավեճն անցկացնել սեպտեմբերին Փենսիլվանիայում և Միչիգանում։ Փոխնախագահի նրանց ընտրած թեկնածուները՝ Թիմ Ուոլզը և Ջեյ Դի Վենսը, նախնական համաձայնության են եկել հոկտեմբերի 1-ի բանավեճի շուրջ: ԱՄՆ ընտրությունները տեղի կունենան նոյեմբերի 5-ին։
