16.12.2025 | 21:33
Մաշտոցը կլինի թղթի վրա, իսկ հեռախոսները՝ միայն դասի համար. Ժաննա Անդրեասյանի արձագանքը՝ քննադատություններին
Կիևը հայտնել է Կուրսկի շրջանի 82 բնակավայրում վերահսկողության և այնտեղ Ուկրաինայի ռազմական հրամանատարության գրասենյակ ստեղծելու մասին
Քաղաքականություն
15.08.2024 | 18:28
Ուկրաինայի Զինված ուժերի գլխավոր հրամանատար Ալեքսանդր Սիրսկին հայտարարել է, որ ուկրաինացի զինվորականները վերահսկում են Կուրսկի շրջանի 82 բնակավայր՝ 1150 քառակուսի կիլոմետր տարածքով։ Ռուսաստանը դեռևս չի մեկնաբանել այս տեղեկությունը, գրում է Current Time-ը։
Սիրսկին պնդում է, որ ուկրաինական բանակը 35 կիլոմետր առաջ է շարժվել տարածաշրջանում։ Ուկրաինայի զինված ուժերի կողմից վերահսկվող տարածքում ստեղծվել է ուկրաինական հրամանատարության գրասենյակ, որը կգլխավորի գեներալ-մայոր Էդուարդ Մոսկալևը, ասել է նա։ Բարձրաստիճան զինվորականի խոսքով՝ այս որոշումն ընդունվել է «օրենքն ու կարգը պահպանելու և բնակչության առաջնահերթ կարիքներն ապահովելու համար»։
Ուկրաինայի նախագահ Վլադիմիր Զելենսկին պարզաբանել է, որ Սուջա քաղաքում ստեղծվում է հրամանատարության գրասենյակ, որի «ազատագրման ավարտի» մասին հայտնել է Սիրսկին։
ՌԴ ՊՆ-ն իր հերթին հայտարարել է, որ օգոստոսի 15-ին ռուսական բանակը շարունակում է «հետ մղել Ուկրաինայի զինված ուժերի՝ Ռուսաստանի Դաշնության տարածք ներխուժելու փորձը», Ուկրաինայի զինված ուժերի հարձակումը Կրեմյանի ուղղությամբ հետ է մղվել, Վարվարովկայի, Սաֆոնովկայի, Շեպտուխովկայի, Կաուչուկի, Ալեքսեևսկու և Մատվեևկայի շրջաններում «կասեցվել են ճեղքման փորձերը», վերականգնվել է վերահսկողությունը Կրուպեց գյուղի նկատմամբ։
Ռուսական բանակը նաև հարձակումներ է իրականացրել «ուկրաինական զինված ուժերի պաշարների, զինամթերքի և նյութատեխնիկական պահեստների վրա» Սումիի շրջանի Յունակովկա, Խոտեն և Կոնդրատովկա շրջաններում», ասվում է ՌԴ ՊՆ հաղորդագրության մեջ։
