07.10.2026 | 23:48
Արթուր Դանիելյանը կալանավորվեց
Մոսկվայում ԱՄՆ քաղաքացի է ձերբակալվել իրավապահների նկատմամբ բռնություն գործադրելու կասկածանքով
Քաղաքականություն
14.08.2024 | 21:31
Մոսկվայում ԱՄՆ քաղաքացի է ձերբակալվել իրավապահների նկատմամբ բռնություն գործադրելու կասկածանքով: Regnum-ի փոխանցմամբ՝ այս մասին հայտնել է Մոսկվայի Քննչական կոմիտեի (ՔԿ) ներկայացուցիչ Յուլիա Իվանովան։
Նշվում է, թե ամերիկացի Ժոզեպ Թագերը կոնֆլիկտ է սկսել մայրաքաղաքի Radisson հյուրանոցում։ Տղամարդը հրաժարվել է փաստաթղթեր տրամադրել այն մասին, թե նախկինում որտեղ է ապրել։ Արդյունքում նրան տեղափոխել են ոստիկանության բաժին, որտեղ էլ նա հարվածել է իրավապահներից մեկին։
«Հետաքննության տվյալներով՝ 2024 թվականի օգոստոսի 12-ի գիշերն ԱՄՆ քաղաքացին խուլիգանական արարքներ կատարելու կապակցությամբ բերման է ենթարկվել ոստիկանության մետրոպոլիայի բաժին։ Ամբաստանյալը հրաժարվել է անձը հաստատող փաստաթղթեր տրամադրել, որից հետո բռնություն է կիրառել իրավապահի նկատմամբ»,- ասել է Իվանովան։
Հաղորդվում է, որ փաստի առթիվ քրեական գործ է հարուցվել Ռուսաստանի Դաշնության Քրեական օրենսգրքի 318- հոդվածի 1-ին մասով («Իշխանության ներկայացուցչի նկատմամբ բռնություն գործադրելը»): Բերման ենթարկվածի նկատմամբ կատարվում են քննչական գործողություններ, նրան մոտ ապագայում մեղադրանք կառաջադրվի։
