25.06.2026 | 16:16
Փամբակ գետում որոնողական աշխատանքներ իրականացրած ջրասուզակները պարգևատրվել են
ՌԴ կառավարությունն արգելել է բենզինի արտահանումը մինչև տարեվերջ
Քաղաքականություն
14.08.2024 | 20:53
Ռուսաստանի կառավարությունը երկարաձգել է բենզինի արտահանման արգելքը մինչև այս տարվա վերջ։ Այս մասին ասվում է կառավարության տարածած հաղորդագրության մեջ, փոխանցում է The Moscow Times-ը։
«Որոշումն ընդունվել է վառելիքի շուկայում կայուն իրավիճակը պահպանելու համար՝ շարունակվող սեզոնային պահանջարկի և նավթավերամշակման գործարաններում իրականացվող պլանային վերանորոգման ժամանակահատվածում»,- պարզաբանվում է հաղորդագրությունում։
Նշվում է, որ սահմանափակումը չի տարածվի միջազգային միջկառավարական համաձայնագրերով, այդ թվում՝ ԵՏՄ երկրների հետ, քաղաքացիների կողմից անձնական օգտագործման համար արտահանվող վառելիքի, ինչպես նաև միջազգային մարդասիրական օգնություն տրամադրելու համար նախատեսված բենզինի մատակարարումների վրա։
Հուլիսի վերջին Ռուսաստանի Էներգետիկայի նախարարությունը հայտնել է, որ իշխանությունները որոշել են արգելել ավտոմոբիլային բենզինի արտահանումը սեպտեմբեր և հոկտեմբեր ամիսներին, սակայն դիզվառելիքի արտահանման արգելք չի պահանջվում։
