01.11.2024 | 17:27
Փաշինյանի գլխավորությամբ քննարկվել է 2024-2026 թթ. Ոստիկանության ոլորտի բարեփոխումների ռազմավարական ծրագրի նախագիծը
ՌԴ Բելգորոդի մարզում արտակարգ իրավիճակ է հայտարարվել
Քաղաքականություն
14.08.2024 | 12:45
Բելգորոդի շրջանի իշխանությունները որոշել են տարածաշրջանային արտակարգ ռեժիմ սահմանել՝ դաշնային մակարդակի արտակարգ ռեժիմի հետագա հնարավոր վերաորակմամբ։ Այս մասին հայտնել է շրջանի նահանգապետ Վյաչեսլավ Գլադկովը։
«Իրավիճակը մեր Բելգորոդի մարզում շարունակում է մնալ ծայրահեղ ծանր և լարված։ Ամենօրյան գնդակոծություններ Ուկրաինայի ԶՈւ կողմից։ Ավերված տներ, վիրավորված ու զոհված խաղաղ բնակիչներ։ Ուստի մենք այսօրվանից որոշում ենք կայացնում Բելգորոդի շրջանի ողջ տարածքում բնակչությանը պաշտպանելու, տուժածներին լրացուցիչ օգնություն ցուցաբերելու համար տարածաշրջանային արտակարգ իրավիճակ հայտարարել»,- ասել է Գլադկովը՝ դիմելով շրջանի բնակիչներին։
Մեկ օր առաջ շրջանի ղեկավարը հայտնել էր, որ իրավիճակը Բելգորոդի շրջանի սահմանային Կրասնոյարուժսկի շրջանում իրավիճակը կարգավորվում է։
Հարևան Կուրսկի շրջանում դաշնային մակարդակի արտակարգ դրություն էր հայտարարվել օգոստոսի 9-ին՝ մարտերի չորրորդ օրը։ Օգոստոսի 10-ին Ռուսաստանի իշխանությունները «հակահաբեկչական գործողության» ռեժիմ են սահմանել Կուրսկի, Բելգորոդի և Բրյանսկի շրջաններում։
