23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
ՌԴ մի քանի շրջանների իշխանություններ հայտնել են ուկրաինական ԱԹՍ-ների զանգվածային հարձակման մասին․ ՏԵՍԱՆՅՈՒԹ
Քաղաքականություն
14.08.2024 | 10:55
Ռուսաստանի մի քանի շրջանների իշխանություններ օգոստոսի 14-ի առավոտյան հայտնել են ուկրաինական անօդաչու թռչող սարքերի զանգվածային հարձակման մասին: Մասնավորապես, անօդաչուների հարվածների մասին տեղեկություն է ստացվել Վորոնեժի, Նիժնի Նովգորոդի, Օրյոլի և Ռոստովի մարզերից, փոխանցում է Current Time-ը։
Կուրսկի շրջանի նահանգապետի պաշտոնակատարը հայտարարել է չորս հրթիռի խոցման մասին։ Տեղական ԶԼՄ-ները գրում են Բորիսոգլեբսկի, Բալթիմորի և Սավասլեյկայի ռազմական օդանավակայաններում պայթյունների մասին։ Օգոստոսի լույս 14-ի գիշերը Կուրսկի շրջանում հրթիռային հարձակման տագնապ է հայտարարվել։
«ՀՕՊ-ն է աշխատում, հեռացե՛ք պատուհաններից»,- Տելեգրամում գրել է շրջանի նահանգապետի պաշտոնակատար Ալեքսեյ Սմիրնովը։
Ավելի ուշ նա հայտնել է, որ չորս հրթիռ է խոցվել այն տարածքի վրա, որտեղ ներկայում մարտեր են ընթանում: Սմիրնովը չի հստակեցրել, թե կոնկրետ ուր էին դրանք թռչում։
Գիշերը Ուկրաինայից Վորոնեժի շրջանը հարձակման է ենթարկվել ավելի քան 35 անօդաչու թռչող սարքերով, զոհեր չկան, իր հերթին հայտնել է նահանգապետ Ալեքսանդր Գուսևը։ Ըստ նախնական տեղեկությունների՝ բեկորների անկման հետևանքով վնասվել են մի քանի բնակելի և ոչ բնակելի անշարժ գույքի օբյեկտներ, կոմունալ ենթակառուցվածքներ, մեքենաներ։
Մինչ այդ, ռուսական տելեգրամյան ալիքները հայտնում են, որ Վորոնեժում հրդեհ է բռնկվել անօդաչու թռչող սարքի հարվածից հետո։ Ենթադրաբար, հարվածը հասցվել է քաղաքի ծայրամասում գտնվող Բալթիմորի ռազմական օդանավակայանին, նշում են տեղի ԶԼՄ-ները և հրապարակում հեռվում երևացող հրդեհի տեսանյութ՝ պայթյունների ձայներով։
